Bettina Kobler-Dazzi
Adonta ch'eau stun già daspö ans giò la Bassa sun mias rischs aunch'adüna in Engiadina, mia lingua materna e paterna es il rumauntsch. La glüsch, la clarited, ils lejs e las muntagnas da nossa val influenzeschan aunch'hoz mia filosofia da vita. Fer plaschair, giodair e respetter il positiv dal minchadi, que sun mieus intents ch'eau vuless der inavaunt a mieus conumauns.
"L'amur es la curuna da la vita."
Ceremonias sainza uordens dictos da la societed (libras)
Dess dvanter vossa nozza ün di cun üna ceremonia tuottafat seguond vos egen giavüsch e vossas aspettativas. La copulaziun libra spordscha tuot las pussibiliteds per ün têl evenimaint. Eau sun la persuna chi as accumpagna e cussaglia dal prüm fin l'ultim mumaint. Cumünaivelmaing discuttains nus l'andamaint da vossa copulaziun, l'uorden da tschanter, la musica fin tar eventuels rituals. Tuot po gnir integro illa nozza libra. Il pêr e sia istorgia sun natürelmaing il punct centrel e cun que eir sieus giavüschs.
Cun ün fin sensori e dand pais al detagl, as accumpagn eau a vos di da festa culla ceremonia persunela.
Celebrer da nouv il di d'impromischiun?
Vair'amur nun ho üngüna fin. La ceremonia es ün act chi demuossa stima, ingrazchamaint e respet vicendaivel.
Cu füss que cun üna ceremonia da surpraisa per üna persuna chi'ns es chera?
"Daspö ans maun in maun."
